ఓహ్ ..నైస్ , యూ ఆర్ డుయింగ్ గ్రేట్ జాబ్ .
మన తెలుగు బాటలొ కొన్ని గొంతులు
కాని ఈ అదివారము తెల్లవారు ఝామున తొమ్మిది గంటలకు పని ఉన్నది. నేను రాలెను
నాలుగు కిలొమీటరులా .. అమ్మో నేను నడవలేను కవాలంతే బైక్ మీద వస్తా !!
మేము %%%%యునివర్సిటి విద్యార్దులము , ఒక బస్స్ ఎర్పాటు చెయ్యండి !!
తెల్లవారు ఝామున ఎనిమిది గంతలకా .. అంత పొద్దునే లేవటమ్ కస్టం బాసు !!
అది మనుషులలొ మార్పురావాలి . ఈ బాటలు , గీటలు చేస్తే తెలుగు రాదు !!
తెలుగు తల్లి విగ్రహము నుండా… ఎంమ్ తెలంగాణా తల్లి విగ్రహము దగ్గర ఎందుకు పెట్టరు ?
పివి జ్ఞానభూమా .. అదెక్కడ ఉన్నది ?
మీకు గవర్నమెంటు వారు ఎంత ఇస్తరు,, ? మాకేమన్నా వస్తదా ..
అమ్మో .. ఇలాంటి యాత్ర్తలకు గొడవలు అవుతాయి , మా ఇంట్లో ఓప్పుకోరు
మీ కార్యకమం చాలా బాగున్నది ఎవరెవరిని గెస్టులుగా పిలుస్తున్నారు .. నేను సిద్దం కానీ అంత దురమ్ నడవలేను ప్రసంగించి వెళ్ళిపొతా
అసలు మీరెందుకు తెలుగు బాట చెస్తున్నారు .. .

ఎందుకంటే .. నా మాతృభాష తెలుగు కు సేవ చేసుకొనే అవకాశం జీవితములొ కొన్ని సార్లు మాత్రమే

వస్తది / వస్తుంది /వస్తాది !

as Per Police Order / No: HC -1 /5421/2010 , The permission is here b accorded to Sri Kasy………………from 7:00 AM to 10:00 AM in connection with Telugu Bhasha Deenostavam about 1800 people expected to participated programme -
తెలుగు భాష దీనోత్శవం అట — జై తెలుగు బాట !!

రామదండు నడిచి రాక్షస సంహారం చేసింది. మహాత్ముడు నడిచి సత్యాగ్రహం చేసాడు, స్వాతంత్ర్యం తెచ్చాడు. నాటి నుండీ నేటివరకు ఒకమంచిపనికోసం నడకసాగించిన ఎవరూ ఓడిపోలేదు. తెలుగుభాష గొప్పతనాన్ని, భాష మీద మనకున్న అభిమానాన్ని ప్రకటించటానికి మనమంతా, కలిసి నడుద్దాం. ప్రపంచానికి తెలుగుభాష ఉనికిని చాటి చెబుదాం.
— నాగ మురళీధర్

కంప్యూటర్లు మరియు జాలంలో తెలుగుని, అంతర్జాలంలో తెలుగు వ్యాప్తి కోసం కృషి చేస్తున్న e-తెలుగు, బయటి ప్రపంచంలో (ప్రభుత్వ, ప్రయివేటు వ్యవహారాలలో) తెలుగు వాడకం పెరగాలని ఆశిస్తూ ఈ తెలుగు బాట కార్యక్రమాన్ని చేపట్టింది. తెలుగు వాడకాన్ని గురించి గుర్తు చేయడానికి, ప్రోత్సహించడానికి తెలుగు భాషా దినోత్సవం అయిన ఆగస్టు 29 ని ఎంచుకున్నాము.
ఈ కార్యకమునకు పదిహేను వందల మంది దాకా తెలుగు ఔత్సాహికులు ,తెలుగు సాంకేతిక నిపుణులు , బ్లాగరులు మొదలుగువారు పాల్గోంటారు , మేము నెక్లెస్ రోడ్డు తెలుగుతల్లి విగ్రహము వద్దనుండి పివి జ్ఞానభూమి వరకు వరుసకు నలుగురు చొప్పున తెలుగు వ్యాప్తికి సంభందించిన నినాదాలతో ఒక ప్రదర్శనగా నడవాలి అన్నది మా ప్రణాళిక , మా తెలుగుబాట కార్యక్రమము ఆగష్టు 29 2010 ఆదివారము ఉదయము ఏడుగంటల నుండి పదిగంటల మద్య జరుగును మరిన్నివివరములు లకు http://telugubaata.etelugu.org చూడండి, మీరు ఇక్కడ మీ పేరు సమోదు చెసుకొవచ్హు.

e-తెలుగు అనేది కంప్యూటర్లలో మరియు అంతర్జాలంలో తెలుగును వ్యాపింపజేయాలనే ధ్యేయంతో పనిచేసే లాభాపేక్షలేని సంస్థ. ఇంగ్లీషు రాని సగటు తెలుగువాడు కూడా తన అవసరాలకి కంప్యూటర్లను (ఇతర ఎలక్ట్రానిక్ పరికరాలను) మరియు అంతర్జాలాన్ని వాడుకోవాలి అనే ఉద్దేశ్యము తో
e-తెలుగు సంస్థ కృషి చేస్తోంది. అందుకుగాను అనేక కార్యక్రమాలు చేస్తోంది. ఇటీవల జరిగిన హైదరాబాదు పుస్తక ప్రదర్శనలో ఒక స్టాలుని నెలకొల్పి అంతర్జాలంలో తెలుగు గురించిన ప్రచారం కల్పించడమే కాక, కొన్ని తెలుగు సాఫ్టువేర్లను ఉచితంగా అందించింది. ఈ ప్రచార కార్యక్రమాల్లో భాగంగా సమాజంలోని వివిధ వర్గాల ప్రజలకు ప్రయోజనకరంగా ఉండే వర్కుషాపులను చేపట్టింది. వివిధ అంశాలపై తగు సమాచారం ఇవ్వడమే కాకుండా అనేక సాంకేతిక, సాంకేతికేతర విషయాల్లో తక్షణ సహాయం అందించడం, అనేక తెలుగు సాంకేతిక సదస్సులు, ప్రచారములు గత ఐదు సంవత్సరముల నుండి మేము నిర్వహిస్తున్నాము. e-తెలుగు ఆంధ్రపదేశ్ సంఘము రిజిస్టర్ ల చట్టము 2001 (35) క్రింద నెం 624/2008 తో రిజిస్టర్ అయినది.
తెలుగుబాట కార్యక్రమము లో పాల్గొనుటకు ఎటువంటి రుసుములేదు , తెలుగు భాష మీద అభిమానము, వ్యాప్తికి తెలుగు అభిలాష చాలును!
రండి, మనము అందరము కలసి తెలుగు భాష కు ఆధునిక హోదా తెద్దాం . తెలుగుబాట ను విజయవంతం చేద్దాం !!
ఈకార్యక్రమమునకు కరపత్రములు , స్టేజి , ప్రచార ఉపకరణములకు కొరకు సహాయము కోరుతున్నాము , మాకు సహాయము చెసిన వారి పేరు , చిహ్నము మా ప్రచార ఉపకరణములలొ మరియు మీడియా వారికి ప్రముఖముగా తెలియపరచగలము . దయచేసి తెలుగుబాట కార్యక్రమమునకు సహాయ సహకారములు అందిచగలరు .ధన్యవాదాలు
కశ్యప్
e-తెలుగు సంఘము
9396533666,
secretary@etelugu.org www.etelugu.org

సాధనమ్మున  పనులు

సమకూరుతాయంచు

వేమనె ప్పుడోనుడివె

విశ్వమందు

ప్రతిభ, సాధనలు

దండిగా ఉండియు…

ప్రతిభకే పట్టంబు

కట్టగా వలెనన్న

ఎస్సెమ్మె స్సులన్న

ఆ ‘ఫ్యాక్ట’ రేలనో ?

అర్ధమై చావదె!

(నా వంటి)

మంద  మతికి  ….

ఈ భారత స్వాతంత్ర్య

దిన

శుభదినాన

మహత్తర గాన

మహా యజ్ఞంలో నీయత్నంలో

సఫలీక్రుతుడవై

” ఇండియన్ ఐడల్” లో టైటిల్ సాధించిన  నీ ఘన

విజయాన్నిసంపూర్ణ భరత జాతి   హృదయ పూర్వకంగా  అభినందిస్తోంది. సగర్వంగా   స్వీకరించు….నూతక్కి

రెండేళ్ళ క్రితం ఇలాంటి టపానే – పంద్రాగస్టు చింతన్ భైఠక్ లాగా రాసాను. ఇవాళ మళ్ళీ, అవే ఆలోచనలొస్తున్నాయి.

అసలు మనం స్వతంత్ర్య, గణతంత్ర దినోత్సవాలు ఎందుకు జరుపుకోవాలి?

-మొదట్నుంచీ, నా అభిప్రాయం ఒకటే : ఇది దేశం మొత్తానికీ పండుగ లాంటి రోజు కనుక. హిందూ,ముస్లిం,సిక్కు,క్రైస్తవ -ఇలా భిన్న సంప్రదాయాల్లో ఉండే పండుగల్ని ఆయా మతస్థులు ఎలా జరుపుకుంటారో, దేశ సంప్రదాయంలో ముఖ్యమైన ఈ పండుగనూ అలాగే ఆనందంతో జరుపుకోవాలి అని నాకు అనిపిస్తుంది. నాకెప్పుడూ అర్థం కానిది ఏమిటంటే – ఆ పండుగలప్పుడు పొద్దున్నే లేవడానికి, తలంటుకుని రెడీ అవ్వడానికి విసుక్కోని వ్యక్తులెందరో, పంద్రాగస్టు నాడు పొద్దున్నే లేచి – తయారై జెండా వందనానికి రమ్మంటే రారు (మా కాలేజీలో ఉండేటప్పుడు ఇది చాలాసార్లు గమనించాను.) మతంపై ఉన్న నమ్మకం, భయం, భక్తీ దేశంపై లేవనుకోవాలా? (తప్పు లేదు లెండి! దేశం చాలా క్లిష్ట పరిస్థితుల్లో ఉందిగా!) లేదంటే – ’లైట్’ తీస్కోవాలా?

-అలాగే, పెద్ద ఎమ్మెన్సీల్లో కొన్నింటిలో సెలవు దినం పంద్రాగస్టు. కనీసం జెండా వందనమన్నా చేస్కోవాలి కదా, అనిపిస్తూంటుంది అప్పుడప్పుడూ. నిన్న నా కజిన్ తో మాట్లాడ్తూ ఉంటే – ఏం చేస్తున్నావ్? అంటే ఆఫీసుకొచ్చాను అంది. ’శనివారమా???’ అన్నాను. ’ప్రస్తుతానికి రేపు ఇండిపెండెన్స్ డే కదా, ఆ ఏర్పాట్లు చేస్కుంటున్నాం’ అన్నది. ఇంతకీ, తను పని చేసేది ఒక విదేశీ బ్యాంకులో!! కానీ, నాకు తెలిసినంతవరకూ ఐటీ ఆఫీసుల్లో సెలవు ఇస్తారు – పంద్రాగస్టుకి (ఇవ్వాళ ఆదివారమనుకొండి, అది వేరే సంగతి!). చిన్నప్పుడు, మా స్కూల్లో అయ్యాక మా నాన్న కాలేజీలో కూడా జెండా వందనానికి వెళ్ళేవాళ్ళం. తరువాతి రోజుల్లో – మా అమ్మ వాళ్ళ ఆఫీసుకి వెళ్ళేదాన్ని అప్పుడప్పుడూ (వయసు పెరిగేకొద్దీ – కాలేజీలో వెళ్ళేందుకు దూరం అనిపించి!)

-ఆ విషయానికొస్తే, నాలో దేశభక్తి పాలు చాలా తక్కువ. ఒకప్పుడు, ఎర్లీ టీన్స్ లో ’రక్షకుడు’ లాగా, నేను ’రక్షకురాలు’ అనుకునేదాన్ని కానీ, ఇప్పుడు నాకలాంటి ఆలోచనల్లేవు. ఏదో, దేశప్రయోజనాలకు భంగం కలిగించే రకం పనులు నేను చేయకూడదు అనుకుంటా తప్పిస్తే. అంతకుమించి నాకు దేశభక్తేమీ లేదని నా అభిప్రాయం. అయినప్పటికీ, పంద్రాగస్టు మన పండుగే – అన్న అభిప్రాయం ఇన్నేళ్ళలో ఎప్పుడూ మారలేదు – అదేమిటో గానీ.

ఏం చేయాలి? ఏం చెప్పాలి మన తరువాతి తరానికి?

-జెండా వందనమైతే చేయాలి
-మా కాలేజీలో రక్తదాన శిబిరం ఉండేది. ఏదో, మనం చేయగలిగే వాటిలో అత్యంత సులభమైనది, ఖర్చు లేనిది – అదే కదా! ఇక్కడ ’దేశభక్తి’ కాదు కానీ, ’మానవత్వం’ అనుకోవచ్చు.
-మీ పిల్లలకి – ఫ్రీడం స్ట్రగుల్ కథలు చెప్పొచ్చు (డ్రామా లేకుండా, నిజాలతో!!). ఒక గుంపు పిల్లలుంటే, చిన్న క్విజ్ లాంటిది పెట్టుకోవచ్చు. అప్పుడు కనీసం వాళ్ళకి – గాంధీ, నెహ్రూ లకు అవతల కూడా నేతలున్నారని తెలుస్తుంది. లేకుంటే, ప్రస్తుత పరిస్థితుల్లో, మన ప్రభుత్వాల ’గాంధీ’ (ఏ గాంధీ అయినా సరే!) సైకోఫాన్సీలో, అసలు మరో పేరు కూడా తెలీకుండా పోతుంది కొన్నాళ్ళైతే!
-ఒక కొత్త పుస్తకం వెదకి చదవొచ్చు ఉదాహరణకి – దుర్గాబాయ్ దేశ్ముఖ్ జీవితచరిత్ర కానీ, ఈ ప్రముఖుల సంగతి పక్కనపెడతే, జనావళిలో అంతగా పేరు తెలీని నాయకుల కథలు వెదికి పట్టుకుని చదివితే భలేఉంటుందండోయ్. పిల్లలకైతే, అలాంటి పుస్తకాలు బానే ఉన్నాయ్. నా చిన్నప్పుడు ఓసారి శ్రీశైలంలోని ఒక మ్యూజియం వద్ద కొన్న పుస్తకాలు ఇప్పటికీ హైదరాబాదు వెళ్తే తిరగేస్తూ ఉంటాను.

ప్రస్తుతానికి ఇక్కడ ఆపుతా!

ఇవాళ ఇంటిదగ్గర సీడీ షాపులో ఆసక్తికరమైన సంఘటన.
(అతను కన్నడలో, మేము ఇంగ్లీషులో మాట్లాడుతున్నాం అనమాట)

షాపువాడు: ఏం కావాలి?
మేము: ’ఆప్తరక్షక’
అతను: లేదు.
మేము: ఎప్పుడొస్తుంది?
అతను: మినిమం సంవత్సరం పడుతుంది.
మేము: :O సినిమా డీవీడీ రావడానికి సంవత్సరమా??
అతను: పైరేటెడ్ వి వస్తాయేమో – మేము కన్నడ సినిమాలు పైరేట్ చెయ్యము.
మేము: మళ్ళీ :O, ఆపై, ’నైస్! వెరీ నైస్!’ అని వచ్చేశాయి మాటలు.
….నిజానికి, అంత స్పష్టంగా ఒక డీవీడీ షాపు వాడు తన భాషలో పైరసీని ప్రోత్సహించను అని చెప్పినందుకు ముచ్చటేసింది. ఇంతలో…
అతను: (కించిత్ గర్వంతో, నవ్వుతూ) – మేము కన్నడ సినిమాలను పైరేట్ చెయ్యము. బ్లూ ఫిల్ములను ప్రోత్సహించము.
మేము: గ్రేట్….
అతను: కొత్త కన్నడ డీవీడీలొచ్చాయి చూస్తారా? (అని..రవిచంద్రన్, ఉపేంద్ర ఎట్సెట్రా…సినిమాల డీవీడీలు ఇస్తూంటే, భయమేసి..)
మేము: నోనోనో… వి సా ఆప్తమిత్రా రీసెంట్లీ…సో..వాంటుసీ ఇట్స్ సీక్వెల్….దట్సిట్..’ (అనేసి, ఒక తెలుగు సీడీ తీస్కున్నాం.)

-మొత్తానికి చాలా ఆనందమేసింది. అయితే, ఐరనీ, ఈ షాపు దాటిన వంద మీటర్లకి – రోడ్డుపైన పైరేటెడ్ సినిమా సీడీలు అమ్మేవాడు కనబడ్డాడు.
(మరి, వాళ్ళు కన్నడ చిత్రాలు అమ్ముతారో లేదో, నేను ఎంక్వైరీ చేయలేదు )

అమృత సినిమా శ్రీలంకలోని తమిళుల ఆవేదనకి అద్దం పట్టిన సినిమా. తమ సొంత గూటి నుంచి వలసి వచ్చి, భయంతో బిక్కుబిక్కుమంటూ, శాంతినీ, సుఖాన్నీ కోల్పొయినవాళ్ళ దయనీయ పరిస్థితిని మణిరత్నం అద్భుతంగా ఆవిష్కరించాడు. రోజూ హింసా, రక్తపాతాల నడుమ నలిగిపొతున్న జీవితంలో ఏదో ఒక రోజు శాంతిని పంచే ఉషోదయం రావాలని అభిలషిస్తూ ఒక కవి పాడే గీతమే “మరుమల్లెల్లో” అనే పాట. సినిమానుంచి తీసి చూస్తే శాంతిని కాంక్షించే ఒక చక్కని భావగీతంలా కనిపిస్తుంది.

తమిళ గీతరచయిత వైరముత్తుకి జాతీయ అవార్డ్ తెచ్చి పెట్టిన ఈ సినిమా పాటలు తెలుగులో వేటూరి రాశారు. వేటూరి అనువాదాలు జాగ్రత్తగా గమనిస్తే ఒక విషయం బోధపడుతుంది – తమిళ భావం మాత్రమే ఆయన తీసుకుని తెలుగు చేస్తారు, కొన్ని సార్లు మారుస్తారు కూడా, అంతే కానీ మక్కికిమక్కీ దించరు. ఈ పాటకి అదే ఆయన చేశారు. వేటూరి అనువాదాల్లో ఉండే క్లిష్టత ఈ పాటలో కనిపించదు. ఈ చక్కని పాట గురించి క్లుప్తంగా -

మరుమల్లెల్లో ఈ జగమంతా విరియగా

ప్రతి ఉదయంలో శాంతి కోసమే తపనగా

పారాణేదో భుమికి వెలుగుగా

మందారాలే మత్తును వదలగా

కనుల తడి తుడిచే ఒడిలో పసి పాపాయి

చిలికే చిరునగవే చీకటితల్లికి వేకువ

శాంతి నిండిన జగాన ఉదయం ఎంత మనోహరంగా ఉంటుందో కవి ఊహిస్తున్నాడు. “పారాణి, మందారాలు” – ఇవి వేటూరి పెట్టిన తెలుగింటి సందెదీపాలు. పసి పాపలు హాయిగా నవ్వినప్పుడే నిజమైన వేకువ అంటూ, “చీకటితల్లి” అని వాడడం ఎంత గొప్ప ప్రయోగం!

గాలిపాటల జడివాన జావళి, అది మౌనంలా మధురం అవునా?

వేలమాటలే వివరించ లేనిది, తడి కన్నుల్లా అర్థం, అవునా?

రెహ్మాన్ పదాలు సరిగ్గా పాడకుండా మింగెయ్యడంతో ఈ చరణం ఎవరికీ అర్థం కాకుండా పోయింది. సరే చూద్దాం. “జడివాన జావళి” – ఆహా ఇదో వేటూరి చమత్కారం. ఈ జడివాన జావళి ఎంత బాగున్నా మౌనం అంత ఆనందం కలిగించదు అంటున్నాడు. అలాగే తడి కన్నులు ఇట్టే చెప్పగలిగే విషయాన్ని వేలమాటలు వివరించలేవన్నాడు. ఈ రెండు వాక్యాలకీ అర్థం ఎవరికి వారు తమ అంతరంగమౌనంలో తెలుసుకోవలసిందే కానీ నేను వివరించలేను.

లేతపాపల చిరునవ్వుతోటకే దిగివస్తావా సిరులవెన్నెలా

వీరభూమిలో సమరాలు మానితే వినిపించేనా స్వరమే కోయిలా

“లేతపాపల చిరునవ్వుతోట” అనడం ఎంత కవిత్వం! పసిపాపలు హాయిగా నవ్విన నవ్వుల్లో వెన్నెల కురుస్తుందని ఎంత బాగా చెప్పారు. యుద్ధాలు మానిన రోజు కోయిల స్వరాలు వినిపిస్తాయ్ అంటున్నాడు.

ఈ పాటని రెహ్మాన్ గొప్పగా స్వరిపరిచాడు. మనసులోతులు తాకుతుందీ స్వరరచన. గొప్ప సాహిత్యం తోడైన ఈ పాట టీవిలో, పేపర్లో ఎప్పుడు తీవ్రమైన హింస గురించి చదివినా నా మనసులో మెదులుతూ ఉంటుంది, పెదవిపై పలుకుతూ ఉంటుంది.

challa baagunnayi , hrudayam lonchi sutigaa vachi nattu ga

please send me new stories anu suggestion about children

madhuram ee kavitha suma parimalam

మీ ఈ టపా లంకెని నా ఫేస్బుక్ లో పెట్టుకుంటున్నా. మీరేమీ అనుకోరని అనుకుంటున్నాను.

థాంక్స్ ఫణి గారు. ఎన్ని సార్లు విన్నా గమనించలేదు ఈ అధ్బుతం.

“కనుల తడి తుడిచే ఒడిలో పసి పాపాయి
చిలికే చిరునగవే చీకటితల్లికి వేకువ”